15 лютага ў нашай краіне штогод адзначаецца Дзень памяці воінаў-інтэрнацыяналістаў. У гэты дзень у 1989 годзе апошні савецкі салдат перайшоў мост памежнай ракі Амудар'і пад Термезом - завяршыўся вывад абмежаванага кантынгенту савецкіх войскаў з палаючага Афганістана.

Манументы і помнікі воінам – інтэрнацыяналістам устаноўлены ў многіх гарадах Беларусі. Аднымі з сімвалаў памяці аб афганскай вайне ў Мінску з'яўляецца Мемарыял «Востраў мужнасці і Смутку», а ў Баранавічах памятны знак, усталяваны ў Скверы памяці загінуўшых у Афганістане.

Супрацоўнікі Баранавіцкага ЦСМС ушанавалі памяць воінам-інтэрнацыяналістам і ўсклалі кветкі да памятных знакаў.